امریکا نے ایران کے 2سینئر عہدیداروں کے نام ٹارگٹ لسٹ سے نکال دیئے

واشنگٹن ( پاک ترک نیوز) امریکا اور اسرائیل نے ممکنہ امن مذاکرات کے پیش نظر ایران کے دو سینئر عہدیداروں کو عارضی طور پر ٹارگٹ لسٹ سے نکال دیا ۔
امریکی حکام کا کہنا ہے کہ ایرانی پارلیمنٹ کے سپیکر محمد باقر قالیباف اور وزیر خارجہ عباس عراقچی کا نام 4 سے 5 روز کیلئے ٹارگٹ لسٹ سے ہٹایا گیا ۔
یہ اقدام صدر ڈونلڈ ٹرمپ کی جانب سے جنگ کے خاتمے کیلئے اعلیٰ سطح کے مذاکرات کی راہ ہموار کرنے کے تناظر میں کیا گیا ۔
ترکیہ، پاکستان اور مصر کے ثالث امریکا اور ایران کو فوری مذاکرات کیلئے قائل کرنے کوشش کر رہے ہیں تاکہ جنگ بندی ہوسکے، جس کے بعد مذاکرات ممکن ہوں۔حکام کی رائے ہے کہ امریکا اور ایران کی شرائط میں بڑے اختلافات کے باعث ان مذاکرات کی کامیابی کے امکانات کم ہیں۔