اسلام آباد(پاک ترک نیوز ) نائب وزیراعظم اسحاق ڈار نے سعودی عرب کے وزیر خارجہ شہزادہ فیصل بن فرحان آل سعود سے ٹیلی فونک گفتگو کی ہے۔
ترجمان دفتر خارجہ کا کہنا ہےدونوں رہنماؤں نے خطے میں حالیہ پیش رفت پر تبادلہ خیال کیا۔
گفتگو کے دوران جون 2026 میں امریکہ اور ایران کے درمیان اسلام آباد ایم او یو پر دستخط کے باوجود کشیدگی میں اضافے پر گہری تشویش کا اظہار کیا۔
دونوں رہنماؤں نے اس بات پر اتفاق کیاکہ دوبارہ شروع ہونے والا تنازعہ کسی کے مفاد میں نہیں اور یہ علاقائی امن و استحکام کی کوششوں کو نقصان پہنچاتا ہے،
سعودی وزیر خارجہ نے جاری سفارتی کوششوں کے حوالے سے سعودی نقطہ نظر بیان کیا،گفتگو کے دوران کشیدگی میں کمی اور سفارتکاری کی اہمیت پر زور دیا۔
نائب وزیراعظم و وزیر خارجہ نے تمام فریقین پر زور دیا کہ وہ انتہائی تحمل کا مظاہرہ کریں،
ثالثی کی کوششوں کو پرامن اور بامقصد نتائج کے حصول کے لیے ضروری وقت اور گنجائش فراہم کریں،دونوں رہنماؤں نے قریبی رابطے میں رہنے پر اتفاق کیا۔
