اسلام آباد (پاک ترک نیوز )نائب وزیرِ اعظم اسحاق ڈار سے سعودی عرب کے پاکستان میں سفیر نواف بن سعید احمد المالکی نے ملاقات کی ہے ،دونوں رہنماؤں نے اسلام آباد مفاہمتی یادداشت کے بعد تازہ علاقائی صورتحال پر تبادلۂ خیال کیا
ملاقات میں مکالمے اور سفارت کاری کے فروغ کے لیے مشترکہ کوششوں کو آگے بڑھانے کی ضرورت پر زور دیا گیا ،ترجمان دفتر خارجہ کے مطابق سعودی سفیر نے علاقائی امن و سلامتی کے لیے پاکستان کی مسلسل کوششوں کو سراہا۔
یہ بھی پڑھیں:بھارت جنگ کے بیج بو کر خطے کے امن کو خطرے میں نہ ڈالے،اسحاق ڈار
ترجمان دفتر خارجہ کے مطابق فریقین نے باہمی دلچسپی کے تمام شعبوں میں پاکستان اور سعودی عرب کے تعلقات کو مزید مضبوط بنانے کے عزم کا اعادہ کیا۔
