لندن ( پاک ترک نیوز) بین اسٹوکس کی نیوزی لینڈ کے خلاف تیسرے ٹیسٹ میں واپسی کا امکان ہے ، برطانوی میڈیا کے مطابق اسکواڈ میں واپسی پر بین اسٹوکس ہی ممکنہ طور پر ٹیم کی قیادت بھی کریں گے۔
برطانوی میڈیا کے مطابق بین اسٹوکس اور گس ایٹکنسن کا کرکٹ ریگولیٹر نے انٹرویو کر لیا ۔ معاملے کی اب تک کی جانے والی تحقیقات دوسرے ٹیسٹ کے اختتام پر ریلیز کی جائیں گی۔
برطانوی میڈیا کے مطابق ٹیم پروٹوکولز کی خلاف ورزی پر کپتان بین اسٹوکس اور گس ایٹکنسن کو دوسرے ٹیسٹ سے ڈراپ کر دیا گیا تھا۔انگلینڈ کرکٹ بورڈ نے ابھی حتمی فیصلہ سنانا ہے تاہم ایک ہفتے کے دوران نرمی دیکھنے میں آئی ۔
برطانوی اخبار کے مطابق بین اسٹوکس کی واپسی ممکن ہے ، لیکن ضروری نہیں کپتان کے طور پر واپس آئیں ،انگلینڈ اور نیوزی لینڈ کی ٹیموں کے درمیان سیریز کا آخری ٹیسٹ جمعرات سے شروع ہو گا ۔
سابق آل راونڈر این بوتھم نے بین اسٹوکس کے خلاف ایکشن نہ لیے جانے پر تنقید کی ہے ،کہتے ہیں بین اسٹوکس نے کچھ نہیں سیکھا ، کیا یہ سب ٹھیک ہے۔لارڈز ٹیسٹ کے بعد کرفیو کو توڑنے کی کوئی وضاحت پیش نہیں کی جا سکتی۔
