اسلام آباد ( پاک ترک نیوز) وزیر دفاع خواجہ آصف کا کہناہے پاکستان میں دہشت گردی کے پیچھے بھارت اور افغانستان ہے، پچھلے سال شکست کے بعد افغانستان بھی بھارت کے ساتھ مل کر پاکستان کی زمین پر دہشتگردی کو فروغ دے رہا ہے ۔ ،اب وقت آ گیا ہم اتحاد کے ساتھ دہشت گردی کے خلاف فیصلہ کن جنگ لڑیں۔
پارلیمنٹ ہاؤس میں صحافیوں سے گفتگو کرتے ہوئے خواجہ آصف نے کہا بنوں میں معصوم شہریوں کو شہید کیا گیا ، پاکستان کا کوئی بھی صوبہ ہو،ہم نے امن قائم کرنا ہے ۔
یہ بھی پڑھیں: بھارتی طیاروں پر پاکستانی فضائی حدود کی بندش میں توسیع
خواجہ آصف نے مزید کہا آزاد کشمیر میں امن تباہ کرنے کی بھارتی کوشش ناکام ہو گئی، مقبوضہ کشمیر کے کشمیریوں کی قربانیوں کی لمبی داستان ہے ۔ ، کشمیر میں ایسے عناصر کار فرما ہیں جو بھارت کی ایما پر آزاد کشمیر میں جو قربانیاں ہیں انکو بھول رہے ہیں ، پاکستان کے خلاف کسی بھی گروپ کے تانے بانے بھارت سے ملتے ہوں تو فیصلہ کن جنگ لڑنی چاہیئے۔
