اسلام آباد(پاک ترک نیوز)اسلام آباد میں پاکستان پیپلز پارٹی کی رکن قومی اسمبلی سحر کامران نے 6 نومبر یومِ شہدائے جموں کے موقع پر قومی اسمبلی میں قرارداد جمع کروا دی۔
قرارداد میں نومبر 1947 کے دوران بھارتی افواج اور انتہا پسندوں کے ہاتھوں شہید ہونے والے ہزاروں کشمیریوں کو خراجِ عقیدت پیش کیا گیا ہے۔
قرارداد میں مقبوضہ جموں و کشمیر میں بھارت کے غیر قانونی اقدامات اور انسانی حقوق کی خلاف ورزیوں پر تشویش کا اظہار کرتے ہوئے کشمیری عوام کے حقِ خودارادیت کی حمایت کا اعادہ کیا گیا ہے۔
یہ بھی پڑھیں:ازدواجی زندگی میں تشدد اور جنسی زیادتی کے خلاف الگ قانون سازی کی درخواست خارج
قرارداد کے ذریعے عالمی برادری سے مطالبہ کیا گیا ہے کہ وہ اقوامِ متحدہ کی سلامتی کونسل کی قراردادوں اور کشمیری عوام کی امنگوں کے مطابق مسئلہ کشمیر کے منصفانہ حل کے لیے اپنا کردار ادا کرے۔
