اسلام آباد(پاک ترک نیوز)انکم ٹیکس گوشوارے جمع کرانے والوں کے لیے اہم خبر، وفاقی بورڈ برائے محصولات نے گوشوارے جمع کرانے کی تاریخ میں ایک بار پھر توسیع کر دی۔
تاجروں کی تنظیموں کی درخواست پر انکم ٹیکس گوشوارے جمع کرانے کی آخری تاریخ بڑھا کر 31 اکتوبر مقرر کر دی گئی ہے۔
وفاقی بورڈ برائے محصولات نے تاریخ میں توسیع کا نوٹیفکیشن جاری کر دیا ہے۔ اس فیصلے کے بعد ٹیکس دہندگان کو اپنے انکم ٹیکس گوشوارے جمع کرانے کے لیے مزید وقت مل گیا ہے۔
یہ بھی پڑھیں: انگلینڈ کرکٹ ٹیم پاکستان پہنچ گئی، ون ڈے سہ ملکی سیریز 18 اکتوبر سے شروع ہوگی
ٹیکس دہندگان کو ہدایت کی جاتی ہے کہ وہ نئی مقررہ تاریخ تک اپنے گوشوارے جمع کرانے کا عمل مکمل کر لیں تاکہ آخری وقت میں پیش آنے والی مشکلات سے بچا جا سکے۔
