اسلام آباد(پاک ترک نیوز)انگلینڈ کرکٹ ٹیم ون ڈے سہ ملکی سیریز میں شرکت کے لیے پاکستان پہنچ گئی۔ مہمان ٹیم اسلام آباد بین الاقوامی ہوائی اڈے سے مقامی ہوٹل پہنچ گئی، جہاں پاکستان کرکٹ بورڈ کے حکام نے انگلش کھلاڑیوں کا استقبال کیا۔
پاکستان، انگلینڈ اور سری لنکا کے درمیان ون ڈے سہ ملکی سیریز 18 سے 31 اکتوبر تک کھیلی جائے گی۔ سیریز کے مقابلے راولپنڈی اور لاہور میں ہوں گے۔
انگلینڈ کی ٹیم کل ہفتے کو راولپنڈی کرکٹ اسٹیڈیم میں تربیتی سیشن میں حصہ لے گی، جہاں کھلاڑی سیریز کے لیے اپنی تیاریوں کو حتمی شکل دیں گے۔
سہ ملکی سیریز کا افتتاحی مقابلہ 18 اکتوبر کو پاکستان اور سری لنکا کے درمیان راولپنڈی کرکٹ اسٹیڈیم میں کھیلا جائے گا، جبکہ پاکستان اور انگلینڈ کی ٹیمیں 20 اکتوبر کو آمنے سامنے ہوں گی۔
یہ بھی پڑھیں: چین نے سونے کی درآمد کے تمام ریکارڈ توڑ دیے، ڈالر پر انحصار کم کرنے کی کوشش
سیریز کا فیصلہ کن مقابلہ 31 اکتوبر کو لاہور کے قذافی اسٹیڈیم میں کھیلا جائے گا، جس کے لیے تینوں ٹیمیں بھرپور تیاریوں میں مصروف ہوں گی۔
