اسلام آباد ( پاک ترک نیوز) چیئرمین تحریک انصاف بیرسٹر گوہر نے کہا ہے کہ ایک سیاسی جماعت کو ختم کرنے کی کوشش کی جا رہی ہے، ملک میں ایسے حالات نہیں تھے کہ ایمرجنسی یا گورنر راج نافذ کیا جاتا۔ انہوں نے دعویٰ کیا کہ پوری بیوروکریسی کو تبدیل کر دیا گیا ہے۔
اسلام آباد میں میڈیا سے گفتگو کرتے ہوئے بیرسٹر گوہر نے کہا کہ گیارہ اکتوبر کے بعد سے وزیراعلیٰ خیبر پختونخوا سہیل آفریدی، صوبائی اسمبلی کے ارکان اور اسپیکر سے رابطہ نہیں ہو رہا۔انہوں نے کہا کہ کھوکھلے مذاکرات اور دعوؤں سے مسائل حل نہیں ہوتے۔ حکومت بتائے کہ مذاکراتی عمل کیوں ختم ہوا اور مسائل کے حل کے لیے کیا اقدامات کیے جا رہے ہیں۔
یہ بھی پڑھیں: وزیر خزانہ اور آئی ایم ایف سربراہ کی اہم ملاقات
بیرسٹر گوہر نے مزید کہا کہ اسلام آباد ہائیکورٹ میں بانی تحریک انصاف کے سماجی رابطے کے اکاؤنٹ سے متعلق کیس کی سماعت کے لیے تئیس نومبر کی تاریخ مقرر کی گئی ہے۔ ان کا کہنا تھا کہ بعض مشتبہ اکاؤنٹس سے تحریک انصاف کا کوئی تعلق نہیں۔
