راولپنڈی ( پاک ترک نیوز) پاکستان اور سری لنکا کے درمیان تین میچوں کی ٹی ٹوئنٹی سیریز کا تیسرا اور آخری مقابلہ آج راولپنڈی میں کھیلا جائے گا۔ قومی ٹیم مہمانوں کو وائٹ واش کرنے کے لیے پُرعزم ہے، جبکہ سری لنکن ٹیم سیریز میں پہلی کامیابی حاصل کرنے کے لیے بے چین ہے۔پاکستان نے پہلے ٹی ٹوئنٹی میں سری لنکا کو چار وکٹوں سے شکست دے کر برتری حاصل کی، جبکہ دوسرے میچ میں قومی ٹیم نے 82 رنز کے بڑے فرق سے فتح سمیٹی۔دو صفر کی فیصلہ کن برتری کے ساتھ پاکستان کی نظریں سیریز میں کلین سوئپ پر مرکوز ہیں، جبکہ سری لنکا آخری میچ جیت کر دورے کا اختتام کامیابی کے ساتھ کرنے کی کوشش کرے گا۔
یہ بھی پڑھیں: سندھ اور چین کے صوبے ہوبئی میں تجارتی و اقتصادی تعاون بڑھانے پر اتفاق، مشترکہ ورکنگ گروپ قائم
راولپنڈی میں ہونے والا آخری مقابلہ دونوں ٹیموں کے لیے اہمیت کا حامل ہے، جہاں پاکستان کے پاس وائٹ واش کرنے کا موقع ہے اور سری لنکا کے لیے اپنی ساکھ بچانے کا چیلنج ہے۔
