کولمبو ( پاک ترک نیوز) کولمبو (پاک ترک نیوز )سری لنکا کرکٹ کے مطابق ٹیسٹ ٹیم کے کپتان دھننجایا ڈی سلوا نے ٹیسٹ ٹیم کی کپتانی چھوڑ دی ہے۔دھننجایا ڈی سلوا نے سلیکشن کمیٹی کو لکھے گئے خط میں کہا ہے کہ اب قیادت اگلی نسل کو منتقل ہونی چاہیے۔سری لنکا کرکٹ کے مطابق دھننجایا ڈی سلوا بطور کھلاڑی ٹیم کے لیے دستیاب رہیں گے۔سری لنکا کرکٹ کے عہدیدار ایشلے ڈی سلوا نے دھننجایا ڈی سلوا کے کیریئر کے باقی حصے کے لیے نیک خواہشات کا اظہار کیا ہے۔
یہ بھی پڑھیں: پاکستان اور سری لنکا کے درمیان ٹی ٹوئنٹی سیریز کا آغاز کل سے ہوگا
سری لنکا نے اگلے ماہ پاکستان کے خلاف دو ٹیسٹ میچوں کی سیریز کھیلنی ہے۔ سیریز کا پہلا ٹیسٹ 9 سے 13 نومبر تک راولپنڈی میں جبکہ دوسرا ٹیسٹ 17 سے 21 نومبر تک قذافی اسٹیڈیم لاہور میں کھیلا جائے گا۔سری لنکا کرکٹ کی جانب سے ٹیسٹ سیریز کے لیے نئے کپتان اور اسکواڈ کا اعلان کیا جانا ہے
