کراچی (پاک ترک نیوز ) پاکستان نیوی کے جہاز یارموک نے بحیرہ عرب میں منشیات اسمگلنگ کے خلاف دو کامیاب کاؤنٹر نارکوٹکس آپریشنز کیے۔ آئی ایس پی آر کے مطابق دونوں کارروائیاں پاکستانی ساحل سے دور بحیرہ عرب میں کی گئیں، جہاں دو دھاؤ کشتیوں کو روک کر تلاشی لی گئی۔
آئی ایس پی آر کے مطابق کشتیوں کے خفیہ خانوں سے تقریباً 850 کلوگرام آئس اور 2 ہزار کلوگرام حشیش برآمد ہوئی۔ برآمد کی گئی منشیات کی مجموعی مالیت تقریباً 96 ملین امریکی ڈالر ہے۔
آئی ایس پی آر کا کہنا ہے کہ ضبط کی گئی منشیات تحویل میں لے لی گئی ہیں اور انہیں مزید تلفی اور قانونی کارروائی کے لیے متعلقہ حکام کے حوالے کیا جائے گا۔
آئی ایس پی آر کے مطابق کامیاب کارروائیاں سمندر میں پاکستان نیوی کی مسلسل موجودگی اور چوکسی کا مظہر ہیں۔ پاکستان نیوی سمندر میں غیر قانونی منشیات کی اسمگلنگ کے خلاف کارروائیاں جاری رکھنے کے لیے پرعزم ہے۔
