ریاض ( پاک ترک نیوز) سعودی ولی عہد اور وزیراعظم شہزادہ محمد بن سلمان کی زیرِ صدارت سعودی کابینہ کا اجلاس ہوا، جس میں یمن کی آئینی حکومت اور صدارتی قیادت کونسل کے لیے مکمل حمایت کا اعادہ کیا گیا۔سعودی میڈیا کے مطابق کابینہ اجلاس میں علاقائی صورتِ حال سمیت اہم عالمی امور کا جائزہ لیا گیا۔اجلاس میں مکہ دفاعی اتحاد کی کمیٹی کے ہنگامی اجلاس کے نتائج کو بھی سراہا گیا۔کمیٹی میں شامل تینوں ممالک نے سعودی عرب کی شہری اور اقتصادی تنصیبات پر ہونے والے حملوں کی شدید مذمت کی۔
یہ بھی پڑھیں: خیبر پختونخوا میں دہشت گردی ہر قیمت پر روکنا ہوگی، وزیراعظم
تینوں ممالک نے مشترکہ دفاعی ذمہ داریوں پر فوری عمل درآمد، فوجی تیاری مزید مضبوط بنانے اور باہمی دفاعی تعاون بڑھانے پر بھی اتفاق کیا۔سعودی کابینہ نے خطے میں سلامتی اور استحکام کے لیے مشترکہ کوششیں جاری رکھنے کے عزم کا بھی اظہار کیا۔
