اسلام آباد(آئی پاک ٹی وی ) ایشین کرکٹ کونسل نے بھارتی کرکٹ بورڈ کو خط لکھا ہے جس میں کہا گیا کہ بھارت ایشیا کپ کی میزبانی سے متعلق آگاہ کرے۔
ایشین کرکٹ کونسل نے بی سی سی آئی کو ایونٹ میں شرکت کرنے یا نہ کرنے کے متعلق باقاعدہ طور پر آگاہ کرنے کا کہا ہے۔
خط میں کہا گیا ہے کہ بی سی سی آئی نے ابھی تک ایونٹ میں باقاعدہ طور پر شرکت کرنے یا نہ کرنے کے متعلق کچھ نہیں کہا۔
بھارتی میڈیا پاک ،بھارت میچز کی تاریخیں دے رہا ہے، ابھی میچوں کے شیڈول کے حوالے سے کوئی پیش رفت نہیں ہوئی۔
بی سی سی آئی پاکستان سے میچ کھیلنے کے لیے حکومت سے اجازت لے گا، یاد رہے کہ کرکٹ ایشیا کپ 2025 ستمبر میں شیڈول ہے جس کی میزبانی بھارت نے کرنی ہے۔
بھارت ایشیا کپ کی میزبانی سے متعلق آگاہ کرے، اے سی سی کا بی سی سی آئی کو خط
