اسلام آباد(پاک ترک نیوز ) وزیر اعظم شہباز شریف آذربائیجان کے دورے پر باکو پہنچ گئے۔
ترجمان دفتر خارجہ نے کہا ہے کہ وزیر اعظم شہباز شریف دورہ آذربائیجان کے دوران 17ویں ای سی او سربراہی اجلاس میں شرکت کریں گے۔ جو 3 اور 4 جولائی کو باکو میں ہو گا۔
وزیر اعظم پاکستانی وفد کی قیادت کریں گے۔ اور علاقائی و عالمی چیلنجز پر پاکستان کا مؤقف پیش کریں گے۔
اجلاس میں ای سی او ویژن 2025 سے پاکستان کی وابستگی کا اعادہ کیا جائے گا۔ جبکہ وزیر اعظم شہباز شریف تجارت، ٹرانسپورٹ، توانائی و ترقیاتی تعاون پر بھی زور دیں گے۔
وزیر اعظم شہباز شریف کی ای سی او رکن ممالک کے رہنماؤں سے دو طرفہ ملاقاتیں بھی متوقع ہیں۔
وزیر اعظم شہباز شریف آذربائیجان پہنچ گئے
