لاہور(پاک ترک نیوز )ویمنز ایشیا کپ کی تیاریوں کے لیے پاکستان ویمن کرکٹ ٹیم کے ٹریننگ کیمپ کا آغاز لاہور میں ہوگیا۔
تربیتی کیمپ میں قومی ویمن ٹیم کی تمام کھلاڑیوں نے رپورٹ کردی، کیمپ کے پہلے روز ایل سی سی اے گراؤنڈ میں کھلاڑیوں نے سیناریو میچ کھیلا۔
میچ سے قبل ہیڈ کوچ وہاب ریاض نے پاکستان ویمن کرکٹ ٹیم کی کھلاڑیوں سے گفتگو کی اور انہیں میچ میں اپنے کردار اور ذمہ داریوں سے آگاہ کیا۔
پاکستان ویمن کرکٹ ٹیم کا تربیتی کیمپ 25 اگست تک لاہور میں جاری رہے گا۔ویمنز ایشیا کپ 28 اگست سے 13 ستمبر تک دبئی میں کھیلا جائے گا۔
