واشنگٹن ( پاک ترک نیوز) وائٹ ہاؤس کی پریس سیکرٹری کیرولین لیویٹ رواں ماہ کے آخر میں اپنے عہدے سے مستعفی ہوجائیں گی۔
امریکی صدر ڈونلڈ ٹرمپ نے سوشل میڈیا پر جاری بیان میں کیرولین لیویٹ کے عہدہ چھوڑنے کی تصدیق کرتے ہوئے کہا کہ وہ اپنے بچوں اور خاندان کو مزید وقت دینے کے لیے وائٹ ہاؤس کی پریس سیکرٹری کی ذمہ داریوں سے الگ ہورہی ہیں۔
صدر ٹرمپ نے کیرولین لیویٹ کی کارکردگی کو سراہتے ہوئے کہا کہ انہوں نے بطور پریس سیکرٹری شاندار خدمات انجام دیں۔
ڈونلڈ ٹرمپ کے مطابق کیرولین لیویٹ آئندہ بھی ان کے اہم بیرونی مشیروں میں شامل رہیں گی۔
کیرولین لیویٹ صدر ٹرمپ کی موجودہ انتظامیہ میں وائٹ ہاؤس کی پریس سیکرٹری کی ذمہ داریاں انجام دے رہی تھیں۔
