ٹورنٹو ( پاک ترک نیوز) فیفاورلڈکپ کے ناک آؤٹ مرحلے کے مقابلے جاری ہیں اسپین نے آسٹریا کو تین صفر سے شکست دیکر پری کوارٹر فائنل میں جگہ بنالی۔
اویار زبال نے دو اور پیڈرو پورو نے ایک گول کیا، لاس اینجلس میں کھیلے گئے میچ میں اسپین کا گیند پر پینسٹھ فیصد قبضہ رہا۔
ادھر پرتگال نے کروشیا کو دو ایک شکست دے کر راؤنڈ آف سکسٹین کیلئے کوالیفائی کر لیا۔ رونالڈو نے پنالٹی پر اہم گول اسکور کیا۔ گونزالو راموس کا اضافی وقت میں گول فیصلہ کن ثابت ہوا۔ پری کوارٹر فائنل میں پرتگال کا مقابلہ اسپین سے ہوگا
کینیڈا اور میکسیکو کے بعد فیفا ورلڈکپ کا تیسرا میزبان امریکا بھی پری کوارٹر فائنل میں پہنچ گیا، سان فرانسسکو میں ناک آؤٹ مرحلے میں بوسنیا کو دو صفر سے شکست ہو گئی۔
یہ بھی پڑھیں: فیفا ورلڈ کپ،سپین نے سعودی عرب کو شکست دیدی
امریکی ٹیم پورے میچ میں بوسنیا پر حاوی رہی،، پہلا ہاف بغیر کسی گول سے برابر رہا،دوسرے ہاف میں امریکی ٹیم نے دونوں گول کیے
ادھر فیفاورلڈکپ کے تینوں میزبان ممالک کی ٹیمیں پری کوارٹرفائنل کھیلیں گی، کینیڈا کا مراکش سے کل ٹاکرا ہوگا، ٹاپ 16گروپ میں میکسیکو اور انگلینڈ کے درمیان میچ بھی کل کھیلا جائے گا۔
تیسرے میزبان امریکہ کا سات جولائی کو بیلجیئم سے آمنا سامنا ہوگا، دیگر ٹیموں میں فرانس اور پیراگوئے پانچ جولائی، برازیل اور ناروے چھ جولائی کو مدمقابل ہوں گے۔
