واشنگٹن (پاک ترک نیوز ) امریکی صدر ڈونلڈ ٹرمپ کا کہنا ہے آج رات ایران پر طاقتور حملہ کریں گے ،خارگ جزیرہ سمیت تیل کے بنیادی ڈھانچوں پر قبضہ کر لیں گے ۔
سوشل میڈیا پر بیان میں امریکی صدر نے کہا بہت جلد تیل اور گیس کی مارکیٹ پر ہماری اجارہ داری قائم ہوگی۔
امریکی صدر نے کہا ایران کیساتھ وہی کریں گے جو وینزویلا کے ساتھ کیا تھا، یہ وینزویلا اور امریکا دونوں کیلئے بہترین ثابت ہو رہا ہے۔
امریکی ٹی وی سے گفتگو میں ڈونلڈ ٹرمپ نے کہا ہم ابھی ایران سے بات چیت کر رہے ہیں، ایران کے بارے مایوس نہیں ہوں، ہوسکتا ہے ایران کے ساتھ تاریخ کا سب سے عظیم معاہدہ طے پائے۔
امریکی صدر نے کہا یہ تاریخ کی بہترین ڈیل ہوسکتی ہے، وہ ہتھیار ڈالنے کیلئے سفید جھنڈا لہرا سکتے ہیں، ایران کہہ سکتا ہے کہ ہم نے ہار مانی، ہم ناکام ہوگئے ہیں۔
امریکی صدر نے مزید کہا امریکا عظیم ملک ہے، خدا کا شکر ہے، ایران واضح الفاظ میں اپنی شکست کا اعتراف کر سکتا ہے، جعلی میڈیا پھر بھی ایران کو فاتح قرار دے گا۔
