اسلام آباد (پاک ترک نیوز )اطالوی سفیر ماریلینا ارمیلن نے نائب وزیراعظم اسحاق ڈار سے الوداعی ملاقات کی۔
ترجمان دفترخارجہ کے مطابق نائب وزیراعظم نے بطور سفیر کامیابی سے مدت پوری کرنے پر مبارکباد دی اور پاکستان-اٹلی تعلقات کو مضبوط بنانے کے لیے ان کی کوششوں کو سراہا۔
ترجمان دفترخارجہ کے مطابق اسحاق ڈار نے تجارت، سرمایہ کاری، تعلیم اور اٹلی میں پاکستانی ہنر مندوں کے لیے بڑھتے ہوئے تعاون کا ذکر کیا۔
نائب وزیراعظم نے دوطرفہ تعلقات کو مزید مستحکم کرنے کے لیے پاکستان کے عزم کا اعادہ کیا۔
اٹالین سفیر ارملین نے پاکستان میں اپنے قیام کے دوران حمایت پر نائب وزیراعظم کا شکریہ ادا کیا اور دو طرفہ تعلقات میں پیش رفت کو سراہا۔
نائب وزیراعظم اسحاق ڈار نے سفیر کو ان کی مستقبل کی کوششوں کے لیے نیک خواہشات کا اظہار کیا۔
