امریکی صدر کا کہنا تھا کہ ایرانی قوم طاقتور اور غیور ہے
واشنگٹن ( پاک ترک نیوز) امریکی صدر ڈونلڈ ٹرمپ کا کہنا ہے ایران نے جنگ بندی معاہدے پر اتفاق نہیں کیا، تاہم امریکا کو ایران کے معاملے پر نمایاں کامیابیاں حاصل ہو رہی ہیں۔
اپنے بیان میں امریکی صدر کا کہنا تھا کہ ایرانی قوم طاقتور اور غیور ہے، لیکن موجودہ صورتحال میں ایران غیر معمولی اقدامات پر مجبور ہو سکتا ہے۔ انہوں نے کہا کہ جنگوں اور تنازعات کے حل میں وقت لگتا ہے اور ایسے معاملات فوری طور پر طے نہیں ہوتے۔
ڈونلڈ ٹرمپ نے دعویٰ کیا کہ ایران کے پاس جوہری ہتھیار نہیں ہوں گے اور مستقبل میں بھی اسے جوہری صلاحیت حاصل کرنے کی اجازت نہیں دی جائے گی۔ ان کا کہنا تھا کہ ایران کے میزائل ذخائر میں نمایاں کمی آ چکی ہے اور اس کے پاس محدود تعداد میں میزائل باقی رہ گئے۔
امریکی صدر نے مزید کہا کہ بالآخر ایران کے پاس معاہدے کے سوا کوئی راستہ نہیں ہوگا۔ انہوں نے امید ظاہر کی کہ آبنائے ہرمز سے متعلق بحران کے حل میں زیادہ وقت نہیں لگے گا۔
ٹرمپ کے مطابق خطے میں صورتحال معمول پر آنے کے بعد عالمی منڈی میں تیل کی قیمتوں میں بھی کمی متوقع ہے، جس سے عالمی معیشت کو استحکام ہوگا۔
امریکی صدر کے ان بیانات کے بعد ایران کی جانب سے فوری طور پر کوئی باضابطہ ردعمل سامنے نہیں آیا۔
دوسری جانب روسی صدر ولادیمیر پوٹن کا کہنا ہے نے ایران کی داخلی یکجہتی اور استحکام کو سراہتے ہوئے کہا ہے کہ ایران نے ثابت کیا ہے کہ وہ اندرونی طور پر تقسیم نہیں ہوا۔
ولادی میر پوٹن نے ایک فورم سے خطاب کرتے ہوئے کہا کہ مغربی ممالک میں بعض حلقوں کا خیال تھا کہ دباؤ اور کشیدگی کے نتیجے میں ایران اندرونی طور پر تقسیم ہو جائے گا، تاہم صورتحال اس کے برعکس ثابت ہوئی ہے۔
یہ بھی پڑھیں: ٹرمپ کی ایک بار پھر ایران کو وارننگ
