وفاقی بجٹ کی تیاری،آئی ایم وفد آج پاکستان پہنچے گا

اسلام آباد ( پاک ترک نیوز) نئے وفاقی بجٹ پر مذاکرات کے لئے آئی ایم ایف وفد آج پاکستان پہنچے گا۔
ذرائع کے مطابق حکومت اور آئی ایم ایف کے درمیان باضابطہ مذاکرات کل سے شروع ہوں گے، نیا بجٹ آئی ایم ایف کی مشاورت سے تیار کیا جائے گا، عالمی مالیاتی ادارے کے ساتھ بات چیت ایک ہفتے تک جاری رہنے کا امکان ہے ۔
جس کے بعد بجٹ تجاویز کو حتمی شکل دی جائے گی، مذاکرات میں آئی ایم ایف وفد کے ساتھ نئے بجٹ کیلئے ٹیکس اور دیگر معاشی اہداف پر بات چیت ہوگی۔ ترقیاتی اخراجات بارے بجٹ کی تجاویز بھی تیار کی جائیں گی۔ آئی ایم ایف کے ساتھ مالی نظم و ضبط بہتر بنانے کیلئے اقدامات پر تبادلہ خیال ہوگا،حکومتی اخراجات اور بجٹ میں ہم آہنگی کیلئے اقدامات بارے تجاویز زیر غور آئیں گی۔