وزیر داخلہ کی زیر صدارت اجلاس ،اسلام آباد میں منصوبوں کا جائزہ

اسلام آباد ( پاک ترک نیوز) وفاقی وزیر داخلہ محسن نقوی کی زیر صدارت اجلاس ہوا جس میں اسلام آباد میں جاری عوامی منصوبوں پر پیش رفت اورنئے پراجیکٹس کا جائزہ لیا گیا ۔
اجلاس میں سی ڈی اے کا تمام ریکارڈ ڈیجیٹلائزڈ کرنے کا فیصلہ بھی کیا گیا ،محسن نقوی نے کہا شہری خود درخواستوں کا اپ ڈیٹ سٹیٹس معلوم کر سکیں گے کسی بھی غیر قانونی ہاوسنگ سوسائٹی کو اسلام آباد میں کام کرنے کی ہرگز اجازت نہیں ہو گی،کرپشن میں ملوث کسی فرد کو کوئی رعایت نہیں دی جائے گی۔
اجلاس میں ایف 6 میں خدمت مرکز پراجیکٹ کے اراضی مختص کرنے کا فیصلہ ،وزیر داخلہ نے نئےکنونشن سنٹر ، ایکسپو سنٹر اور اسلام آبار ارینہ کی تعمیر کیلئے 3 بین الاقوامی کمپنیوں کی پری کوالیفکیشن مکمل ۔ تعمیر ایس سی او سمٹ سے قبل مکمل کرنے کی ہدایت کر دی ،وزیر داخلہ نے کہا کھیلوں کی سرگرمیوں کے فروغ کیلئے جدید سپورٹس کمپلیکس بنائے جائیں گے۔
وزیر داخلہ نے ایف نائن پارک کو ہائیڈ پارک کی طرز پر اور شاہدرہ ڈیم کے ساتھ میں تفریحی سہولیات کا جامع پلان بھی طلب کر لیا۔