بابر اعظم کے ٹی 20کرکٹ میں تیز ترین 12ہزار رنز مکمل

کراچی ( پاک ترک نیوز) قومی کرکٹر بابر اعظم نے ٹی ٹوئنٹی کا ایک اور ریکارڈ اپنے نام کر لیا ، جارح مزاج بیٹر کرس گیل کو پیچھے چھوڑ دیا۔
بابر اعظم ٹی ٹوئنٹی کرکٹ میں تیز ترین 12 ہزار رنز مکمل کرنے والے کھلاڑی بن گئے ۔ انہوں نے یہ سنگ میل پشاور زلمی کی جانب سے کھیلتے ہوئے پی ایس ایل 11 میں کراچی کنگز کیخلاف میچ میں عبور کیا۔
پاکستانی اسٹار بیٹر نے 338 اننگز میں 12 ہزار ٹی رنز مکمل کیے اور ویسٹ انڈیز کے کرس گیل کا ریکارڈ توڑا۔کرس گیل نے 343 اننگز میں 12 ہزار رنز مکمل کیے تھے۔
اس فہرست میں 360 اننگز میں سنگ میل عبور کرکے ویرات کوہلی تیسرے اور ڈیوڈ وارنر 368 اننگز میں 12 ہزار رنز بنا کر فہرست میں چوتھے نمبر پر آگئے، بابر اعظم 12 ہزار ٹی ٹوئنٹی رنز بنانے والے دوسرے پاکستانی کھلاڑی ہیں، ان سے قبل شعیب ملک یہ سنگ میل عبور کرچکے ہیں، ان کے رنز کی تعداد 13,571 ہے۔