نوجوانوں میں غصہ، جسمانی اور ذہنی صحت کا خاموش خطرہ

لاہور( پاک ترک نیوز) غصہ نوجوانوں کو تیزی سے بوڑھا کرنے لگا ،ماہرین نے وارننگ دے دی ،،حالیہ تحقیقات کے مطابق مسلسل غصہ نوجوانوں کی صحت پر گہرے اثرات ڈال رہا ہے اور جسمانی و ذہنی عمر میں تیزی سے اضافہ کر رہا ہے۔
ماہرین نفسیات اور طبی سائنسدانوں کے مطابق بار بار غصہ کرنے سے جسم میں کارٹیسول ہارمون کی مقدار بڑھ جاتی ہے، جو دل، دماغ اور جلد پر منفی اثر ڈال سکتا ہے۔ مسلسل غصہ کرنے والے نوجوانوں میں جلد جھریاں، بالوں کا سفید ہونا اور تھکن کا احساس عام دیکھا گیا۔
ڈاکٹروں کے مطابق غصہ صرف ظاہری طور پر بوڑھا نہیں کرتا بلکہ دل کی بیماریوں، بلند فشارِ خون اور نیند کے مسائل کو بھی جنم دیتا ہے