واشنگٹن ( پاک ترک نیوز ) امریکا کے نائب صدر جے ڈی وینس کا کہناہے امریکا اور ایران کے درمیان تکنیکی سطح کے مذاکرات شروع ہو گئے ،آبنائے ہرمز کو باقاعدہ طور پر کھول دیا گیا
میڈیا سے گفتگو کرتے ہوئے امریکی نائب صدر نے کہا تکنیکی ٹیمیں مختلف امورپر کام کررہی ہیں، ایران کے ساتھ بہت سے معاملات میں پیشرفت ہوئی ہے۔لبنان میں کشیدگی میں کمی کےلیے طریقہ کار پر گفتگو ہو رہی ہے۔تکنیکی گفتگو آنے والے ہفتوں اور دنوں میں جاری رہے گی۔
یہ بھی پڑھیں: ڈونلڈ ٹرمپ کی ایک بار پھر پاکستانی قیادت کی تعریف
امریکی صدر نے کہا ایران نے آئی اے ای اے کے معائنہ کاروں کو واپس بلانے پر اتفاق کر لیا ہے، جوہری معائنہ کاروں کی تعیناتی ممکنہ طور پر اسی ہفتے شروع ہو سکتی ہے،
امریکی نائب صدر نے کہا ہم نے کامیاب حتمی معاہدے کے لیے ایک بہت مضبوط بنیاد رکھی ہے، ہم علاقائی جنگ بندی چاہتے ہیں، چاہتے ہیں کہ ایران کے غیر منجمد اثاثے ایرانی عوام کے کام آئیں۔
