استنبول (پاک ترک نیوز )پاکستان، سعودی عرب اور ترکیہ کے درمیان طے پانے والے مشترکہ دفاعی معاہدے کے تحت کمیٹی کا پہلا اجلاس کل استنبول میں ہوگا۔
ترک وزارتِ خارجہ کے ذرائع کے مطابق اجلاس میں تینوں ممالک کے اعلیٰ حکام شرکت کریں گے، جبکہ نائب وزیراعظم اور وزیر خارجہ اسحاق ڈار بھی اجلاس میں شرکت کے لیے استنبول پہنچ گئے ہیں۔
غیر ملکی خبررساں ایجنسی کے مطابق اجلاس میں پاکستان، سعودی عرب اور ترکیے کے وزرائے خارجہ، وزرائے دفاع اور مسلح افواج کے سربراہان شرکت کریں گے۔
ذرائع کا کہنا ہے کہ اجلاس میں بین الاقوامی سلامتی کی صورتحال سمیت دفاعی تعاون بڑھانے کے مختلف امور پر غور کیا جائے گا۔
تینوں ممالک کے درمیان دفاعی صلاحیتوں میں اضافے، مسلح افواج کے درمیان رابطہ اور ہم آہنگی بہتر بنانے کے علاوہ دفاعی صنعت میں مشترکہ پیداوار اور تیاری کے امکانات بھی زیرِ بحث آنے کا امکان ہے۔
