راولپنڈی :(پاک ترک نیوز)پاک فضائیہ نے مقامی طور پر تیار کردہ تیمورمیزائل نظام کا کامیاب فلائٹ ٹیسٹ انجام دے کر قومی دفاعی صلاحیتوں میں اہم سنگِ میل عبور کر لیا ہے۔
آئی ایس پی آر کے مطابق یہ ایئر لانچڈ کروز میزائل دشمن کے زمینی اور بحری اہداف پر اعلیٰ درستگی کے ساتھ 600 کلومیٹر تک مار کرنے کی صلاحیت رکھتا ہے اور اس میں روایتی وار ہیڈ نصب ہے۔
جدید نیویگیشن اور گائیڈنس سسٹم سے لیستیمورمیزائل انتہائی کم بلندی پر پرواز کرنے کی صلاحیت رکھتا ہے، جس سے یہ دشمن کے ایئر اور میزائل دفاعی نظاموں سے مؤثر طور پر بچ سکتا ہے۔
اس کی پریسیژن اسٹرائیک صلاحیت پاک فضائیہ کی روایتی حفاظتی صلاحیتوں اور عملی لچک میں اضافہ کرتی ہے اور ملک کی مجموعی دفاعی پوزیشن کو مزید مضبوط بناتی ہے۔
آئی ایس پی آر کے مطابق کامیاب ٹیسٹ سے پاکستان کی دفاعی صنعت میں حاصل شدہ تکنیکی پختگی، جدت اور خود انحصاری کی عکاسی ہوتی ہے۔ فلائٹ ٹیسٹ کے موقع پر سینئر افسران، سائنسدان اور انجینئرز بھی موجود تھے جنہوں نے اس جدید ہتھیار کے نظام کی تیاری میں کلیدی کردار ادا کیا۔
ایئر چیف مارشل ظہیر احمد بابر سدهو نے اس شاندار کامیابی پر سائنسدانوں، انجینئرز اور پوری ٹیم کو دلی مبارکباد دی۔ انہوں نے ان کی پیشہ ورانہ مہارت، لگن اور دفاعی صلاحیتوں کو مضبوط بنانے کے لیے غیر متزلزل عزم کی تعریف کی۔
چیف آف ایئر اسٹاف نے واضح کیا کہ ایسی کامیابیاں ملک کی تکنیکی خود کفالت اور معتبر روایتی دفاعی صلاحیت حاصل کرنے کے عزم کا مظہر ہیں۔تیمورمیزائل ہتھیار کے کامیاب تجربے سے پاکستان فضائیہ کی عملی تیاری، تکنیکی برتری اور قومی سلامتی کے مقاصد میں مسلسل اضافہ ہوتا رہے گا۔
پاک فضائیہ کا تیمور میزائل کا کامیاب تجربہ
