COAS Visits Flod Relief Camps at Kasur and Jalalpur Pirwala

راولپنڈی (پاک ترک نیوز)فیلڈ مارشل سید عاصم منیرچیف آف آرمی سٹاف نے سیلاب کی موجودہ صورتحال اور جاری امدادی سرگرمیوں کا جائزہ لینے کے لیے قصور سیکٹر اور جلال پور پیر والا، ملتان میں فلڈ ریلیف کیمپ کا دورہ کیا۔
آئی ایس پی آر کی نیوز ریلیز کے مطابق قصور اور ملتان کے سیلاب سے متاثرہ علاقوں کا دورہ سول انتظامیہ اور فوج کے درمیان ہم آہنگی کو بڑھانے پر مرکوز تھا تاکہ متاثرہ آبادی کے لیے موثر امداد کو یقینی بنایا جا سکے۔اس موقع پر چیف سیکرٹری پنجاب اور سول انتظامیہ کے دیگر اعلیٰ حکام بھی موجود تھے۔
دورے کے دوران آرمی چیف نے زمینی صورتحال پر تفصیلی بریفنگ حاصل کی۔ جس میں سیلاب سے متاثرہ علاقوں میں بچاؤ اور امدادی کارروائیوں کی تفصیلات بھی شامل ہیں۔
سول انتظامیہ کے ساتھ بات چیت کے دوران انہوں نے گڈ گورننس اور عوامکی شمولیت کے ساتھترقی کی اہمیت پر زور دیا۔ انہوں نے اس بات پر زور دیا کہ تمام ضروری اقدامات بشمولڈھانچہ جاتی ترقی جو کہ لوگوں کو متواتر سے سیلاب سے ہونے والی تباہ کاریوں سے بچانے کے لیے درکار ہیں کو تیز کیا جائے۔ انہوں نے کہا کہ ریاست ہر سال قیمتی جانوں اور املاک کے ضیاع کی متحمل نہیں ہو سکتی۔
سیلاب سے متاثرہ افراد کے ساتھ بات چیت کے دوران جنہیں پاک فوج اور سول انتظامیہ نے کامیابی کے ساتھ نکالا تھا۔ چیف آف آرمی سٹاف نے انہیں ان کی آباد کاری اور بحالی میں مسلسل تعاون کی یقین دہانی کرائی۔ متاثرین نے بروقت مدد کرنے پر پاک فوج کا تہہ دل سے شکریہ ادا کیا۔
آرمی چیف نے فوجیوں، ریسکیو 1122 کے اہلکاروں اور امدادی کارروائیوں میں مصروف پولیس اہلکاروں سے بھی ملاقات کی۔ انہوں نے انتہائی مشکل حالات میں قوم کی خدمت کے لیے ان کے بلند حوصلے، آپریشنل تیاری اور ثابت قدمی کو سراہا۔ انہوں نے لوگوں کو بروقت ریلیف اور امداد فراہم کرنے کے لیےفوجی دستوں کی جانب سے سول انتظامیہ کے ساتھ قریبی تال میل چوبیس گھنٹے سر گعم عمل رہنے پرانکی تعریف کی۔