کئی شہروں میں بارش، جڑواں شہروں میں جل تھل ایک

اسلام آباد ( پاک ترک نیوز) ملک کے کئی شہروں میں بارش ہوئی ہے ، راولپنڈی ،اسلام آباد میں وقفے وقفے سے موسلا دھار بارش سےگرمی کا زور ٹوٹ گیا ۔
جڑواں شہروں میں مجموعی طور پر 45 ملی میٹر بارش ریکارڈ کی گئی ۔شمس آباد میں 40، پی ایم ڈی 35، سید پور 28 اور گوالمنڈی میں 28 ملی میٹر بارش ہوئی ، ،بارش سے نشیبی علاقے زیر آب آ گئے۔ راولپنڈی میں ڈبل روڈ اور ہنڈورا چونگی کی سڑک تالاب کا منظر پیش کرنے لگی ۔ ڈھوک کالا خان سروس روڈ پر بھی پانی جمع ہو گیا، فیض آباد بس اڈے پر بھی پانی جمع ہونے کے سبب ٹریفک کی روانی متاثر ہوئی۔
محکمہ موسمیات نے پانچ جون تک بارش کی پیش گوئی کی ہے ۔ آزاد کشمیر میں مظفر آباد، بالائی وادیٔ نیلم، باغ، دھیر کوٹ اور نکیال میں بارش سے موسم خوشگوار ہو گیا ،،لاہور ،سیالکوٹ ،ساہیوال ،جھنگ ،ٹوبہ ٹیک سنگھ میں بارش کا امکان ہے،گجرات ،لودھراں ،اوکاڑہ ،فیصل آباد میں بھی بادل برسیں گے۔خیبر پختونخوا کے علاقے صوابی اور گردو نواح میں بارش ہوئی۔