وزیراعظم شہباز شریف نے خیبرپختونخوا اور بلوچستان میں دہشت گردوں کے خلاف کامیاب کارروائیوں پر سکیورٹی فورسز اور پولیس کو خراجِ تحسین پیش کیا ہے۔
وزیراعظم نے کہا کہ سکیورٹی فورسز اور پولیس نے خیبرپختونخوا اور بلوچستان میں مشترکہ آپریشنز کے دوران مجموعی طور پر فتنہ الخوارج اور فتنہ الہندوستان کے 49 دہشت گردوں کو ہلاک کیا۔
محمد شہباز شریف کا کہنا تھا کہ دہشت گردوں کے خلاف کامیاب آپریشنز سکیورٹی فورسز اور پولیس کی پیشہ ورانہ مہارت اور جرات کا مظہر ہیں۔
وزیراعظم نے کہا کہ حکومت پاکستان ملک سے دہشت گردی کے مکمل خاتمے کے لیے پرعزم ہے اور دہشت گرد عناصر کے خلاف کارروائیاں جاری رکھی جائیں گی۔
انہوں نے دہشت گردی کے خلاف جنگ میں سکیورٹی فورسز اور قانون نافذ کرنے والے اداروں کی قربانیوں کو بھی سراہا۔
