راولپنڈی ( پاک ترک نیوز) پاکستان اور سری لنکا کی ٹیمیں کل سہ ملکی سیریز کے فائنل معرکہ میں مد مقابل آئیں گی ۔
راولپنڈی میں سہ ملکی سیریز کا فائنل معرکہ کل پاکستان اور سری لنکا کی ٹیموں کے درمیان کھیلا جائے گا ۔ پاکستانی وقت کے مطابق یہ میچ شام 6بجے شروع ہوگا۔
پاکستان نے 4گروپ میچز کھیلے ہیں اور اس نے تین میں کامیابی حاصل کی ہے ۔پاکستان نے زمبابوے کو 2جبکہ سری لنکن کو ایک میچ میں شکست دی تھی جبکہ آخری میچ میں سری لنکا کے ہاتھوں شکست کا سامنا کرنا پڑا ہے۔
دوسری جانب سری لنکن ٹیم نے چار میچز میں سے دو میں کامیابی حاصل کر کے فائنل کیلئے ٹکٹ کٹوائی ہے ۔سری لنکا کو اپنے پہلے میچ میں پاکستان کے ہاتھوں شکست کا سامنا کرنا پڑا تھا جبک دوسرے میچ میں اسے زمبابوے نے اسے ہرایا تھا ۔ سری لنکا نے تیسرے میچ میں زمبابوے کو شکست دی اور آخری گروپ میچ میں شاہینوں کیخلاف کامیابی سمیٹی تھی اور فائنل میں جگہ بنائی تھی ۔
واضح رہے کہ تین ملکی سیریز میں پاکستان اور سری لنکا کے ساتھ زمبابوے کی ٹیم نے شرکت کی تھی تاہم زمبابوے 4گروپ میچز میں سے صرف ایک میچ جیتنے میں کامیاب ہوسکی تھی اور اسے تین میچز میں شکست کا سامنا کرنا پڑا ہے۔
