لاہور (پاک ترک نیوز)پنجاب میں نئی موٹر کاروں کے لیے فٹنس سرٹیفکیٹ کے حصول سے متعلق شرائط واضح کر دی گئی ہیں۔ پنجاب پراونشل ٹرانسپورٹ اتھارٹی کے نوٹیفکیشن کے مطابق گاڑیوں کو انجن کی گنجائش اور تیاری کی تاریخ کی بنیاد پر مخصوص مدت تک فٹنس سرٹیفکیٹ سے استثنیٰ حاصل ہوگا۔
نوٹیفکیشن کے مطابق ایک ہزار سی سی تک انجن والی موٹر کاروں کے لیے تیاری کی تاریخ سے پانچ سال بعد فٹنس سرٹیفکیٹ حاصل کرنا لازمی ہوگا۔
ایک ہزار ایک سے دو ہزار سی سی تک انجن والی گاڑیوں کے لیے چھ سال بعد، جبکہ دو ہزار سی سی سے زیادہ انجن والی موٹر کاروں کے لیے سات سال بعد فٹنس سرٹیفکیٹ لینا ضروری ہوگا۔
اس طرح گاڑیوں کی انجن گنجائش کے مطابق فٹنس سرٹیفکیٹ سے استثنیٰ کی مدت پانچ سے سات سال تک مقرر کی گئی ہے۔
پنجاب میں نئی گاڑیوں کو فٹنس سرٹیفکیٹ سے چھوٹ مل گئی
