لاہور(پاک ترک نیوز )لاہور کے جنرل اسپتال کی ایمرجنسی وارڈ سے لاکھوں روپے مالیت کی ادویات، انجیکشنز اور دیگر طبی سامان غائب ہونے کا انکشاف ہوا ہے۔
اسپتال انتظامیہ کے مطابق 2 لاکھ 60 ہزار روپے مالیت کی ادویات چوری ہونے پر مقدمہ درج کرلیا گیا، جبکہ ابتدائی تحقیقات کے بعد تین ملازمین کو معطل کردیا گیا ہے۔
اسپتال انتظامیہ کے مطابق واقعے کا علم ہونے پر ایم ایس ڈاکٹر فریاد نے ابتدائی رپورٹ پرنسپل ڈاکٹر فاروق افضل کو پیش کردی۔
ادویات اور دیگر سامان کے ریکارڈ کی مکمل جانچ پڑتال کے لیے باقاعدہ کمیٹی بھی تشکیل دے دی گئی ہے۔
کمیٹی اس بات کا جائزہ لے گی کہ ایمرجنسی وارڈ سے ادویات کس طرح غائب ہوئیں اور اس معاملے میں کون ذمہ دار ہے۔
