لاہور (پاک ترک نیوز ) امیر جماعت اسلامی حافظ نعیم الرحمان نے تین ستمبر کو ملک گیر ہڑتال کا اعلان کر دیا ۔
دھرنے سے خطاب کرتے ہوئےحافظ نعیم الرحمان نے کہا ہے کہ جماعت اسلامی کے دھرنے عوام کے بنیادی حقوق کے لیے ہیں، حکمرانوں نے عوام کو ٹیکسوں کے بوجھ تلے دبا رکھا ہے۔
ان کا کہنا تھا کہ ملک کے مختلف شہروں میں بیک وقت دھرنے جاری ہیں جبکہ کل فیصل آباد میں تاریخی جلسہ عام ہوگا۔
حافظ نعیم الرحمان نے پمز سانحے پر بھی حکومت کو تنقید کا نشانہ بناتے ہوئے کہا کہ بچوں کی اموات حکمرانوں کی نااہلی اور غفلت کا نتیجہ ہیں۔
