اسلام آباد ( پاک ترک نیوز) بھارت پاکستان کے ساتھ تیرہ میں سے چار معاہدوں کی خلاف ورزی کر رہا ہے۔
وزارت خارجہ کی رپورٹ پارلیمنٹ میں پیش کر دی گئی ، رپورٹ کے مطابق بھارت سندھ طاس معاہدہ ،شملہ معاہدہ ، مذہبی مقامات پر سہولیات کی فراہمی، ویزا سہولیات سے متعلق معاہدے پر عمل نہیں کر رہا ،دونوں ممالک میں مذہبی مقامات کی زیارات سہل بنانے کے لئے 14 ستمبر 1974 کو پروٹوکول پر دستخط کئے گئے تھے ،براہ راست ٹیلی کمیونیکیشن کے لئے 14 ستمبر 1974 کو معاہدے پر دستخط ہوئے ،ایک دوسرے کی نیوکلئیر تنصیبات کو نشانہ بنانے سے روکنے کے لئے 31 دسمبر 1988 کو معاہدے پر دستخط کئے گئے۔
سرحد کے قریب عسکری مشق کے انعقاد سے قبل دوسرے فریق کو آگاہ کرنے سے متعلق معاہدہ 1991 میں طے پایا،ایک دوسرے کی فضائی حدود کی خلاف ورزی روکنے کے لئے پاکستان اور بھارت کے درمیان 1991 میں معاہدہ طے پایا،معاہدے کے تحت فضائی حدود کے استعمال کی مشروط اجازت بھی دی جاتی ہے۔
بھارت کی طرف سے 4معاہدوں کی خلاف ورزی ،رپورٹ پارلیمنٹ میں پیش
