اسلام آباد(پاک ترک نیوز ) آئل اینڈ گیس ریگولیٹری اتھارٹی اوگرا نے ری گیسیفائیڈ لیکویفائیڈ نیچرل گیس، آر ایل این جی کی قیمتوں میں ماہانہ بنیاد پر نمایاں کمی کردی۔
اوگرا کے مطابق نئی قیمتوں کا اطلاق یکم اگست 2026 سے ہوگا، جبکہ نئی قیمتیں پاکستان اسٹیٹ آئل کی درآمد کردہ ایک ایل این جی کارگو کی بنیاد پر مقرر کی گئی ہیں۔
نوٹیفکیشن کے مطابق ایس این جی پی ایل نیٹ ورک پر آر ایل این جی کی ٹرانسمیشن قیمت 17.4880 ڈالر فی ایم ایم بی ٹی یو جبکہ ڈسٹری بیوشن قیمت 19.0276 ڈالر فی ایم ایم بی ٹی یو مقرر کی گئی ہے۔
ایس ایس جی سی ایل نیٹ ورک پر ٹرانسمیشن قیمت 16.0724 ڈالر اور ڈسٹری بیوشن قیمت 18.1345 ڈالر فی ایم ایم بی ٹی یو ہوگی۔
جولائی کے مقابلے میں ایس این جی پی ایل کی ٹرانسمیشن قیمت میں 6.2140 ڈالر جبکہ ڈسٹری بیوشن قیمت میں 6.8112 ڈالر فی ایم ایم بی ٹی یو کمی ہوئی۔
اسی طرح ایس ایس جی سی ایل کی ٹرانسمیشن قیمت 6.1527 ڈالر اور ڈسٹری بیوشن قیمت 6.9527 ڈالر فی ایم ایم بی ٹی یو کم کردی گئی ہے۔
اوگرا کے مطابق آر ایل این جی کی قیمتوں میں کمی کی شرح مختلف نیٹ ورکس پر تقریباً 26 سے 28 فیصد تک ہے۔
