ویمنز ورلڈ کپ ، سائوتھ افریقہ 69پر ڈھیر ،ریکارڈ 10کھلاڑی ڈبل فیگر میں داخل نہیں ہوسکیں

گوہاٹی ( پاک ترک نیوز) ویمنز ورلڈ کپ میں سائوتھ افریقہ کی ریکارڈ 10بلے باز ڈبل فیگراننگز میں داخل نہ ہو سکیں ۔ پوری ٹیم انگلینڈ کیخلاف 69رنز پر ڈھیر ہوگئی ۔
آئی سی سی ویمنز ورلڈ کپ کے چوتھے میچ میں جنوبی افریقہ کی بیٹنگ لائن انگلینڈ کیخلاف مشکلات کا شکار ہو گئی ۔
تفصیلات کے مطابق بھارت کے شہرگوہاٹی میں انگلش ٹیم نے ٹاس جیت کر پہلے فیلڈنگ کا فیصلہ کیا ۔جنوبی افریقہ کپتان وولورڈز آئوٹ ہونیوالی کھلاڑی تھیں جنہوں نے محض 5رنز سکور کئے ۔دوسری وکٹ ٹزمین برٹز کی گری وہ بھی 5رنز ہی سکور کر سکیں ۔تیسری آئوٹ ہونیوالی کھلاڑی سیون لوز تھیں جنہوں نے صرف 2رنز ہی بنائے ۔ چوتھی وکٹ 19رنز کے سکور پر گری ۔مزینی کاپ 4رنز کی مہمان ثابت ہوئیں۔ پانچویں آئوٹ ہونیوالی کھلاڑی انیکا بوش تھیں وہ بھی صفر 6رنز بنا سکیں ۔چول ٹریون چھٹی آئوٹ ہونیوالی کھلاڑی تھیں جو 2رنز ہی بنا سکیں ۔ ساتویں آئوٹ ہونیوالی کھلاڑی نیڈین ڈی کلارک تھیں وہ بھی ڈبل فیگر میں داخل نہ ہوسکیں اور 3رنز ہی بنا سکیں ۔
سائوتھ افریقہ کی وکٹیں وقفے وقفے سے گرتی رہیں اور 54رنز پر 7کھلاڑی پویلین لوٹ گئیں ۔
جنوبی افریقہ کی ابھی تک وکٹ کیپر بلے باز سنالو جوفٹا واحد کھلاڑی ہیں جو ڈبل فیگر میں داخل ہو سکی ہیں ۔انہوں نے 19رنز بنائے ہیں اورکریز پر موجود ہیں ۔
انگلینڈ کی جانب سے لنسے سمتھ نے 3سکائیور برنٹ نے 2جبکہ لورین بیل اور صوفیہ ایکلسٹون نے ایک ایک وکٹ حاصل کی ۔