تہران (پاک ترک نیوز )ایرانی وزیر خارجہ عباس عراقچی کا کہنا ہے کہ تمام تر دباؤ کے باوجود مزاحمت کے لیے پوری طرح تیار ہیں، ہم اپنے شہدا کے خون ناحق کو بھولنے یا نظرانداز نہیں ہونے دیں گے، ہمارے عظیم شہدا کا خون بہانے والوں کو معاف نہیں کیا جائے گا۔
ایرانی وزیر خارجہ کا کہنا ہے کہ امریکا ایران بات چیت نہیں ہو رہی، ثالثوں کے ذریعے پیغامات کے تبادلے ہو رہے ہیں، تاہم مفاہمتی یادداشت کی امریکی خلاف ورزیاں ہونے تک ایران بات چیت شروع نہیں کرے گا۔
یہ بھی پڑھیں: امریکہ کو اپنی پالیسیوں میں بنیادی تبدیلی لانا ہوگی، ایران
انہوں نے کہا کہ ایران اور عمان کے درمیان آبنائے ہرمز معاہدہ حتمی مراحل میں ہے، ایران عمان کے درمیان معاہدہ سے آبنائے ہرمز کو فوری نہیں کھولا جائے گا، ایران عمان معاہدے سے آبنائے ہرمز میں نئی بحری گزرگاہیں بنیں گی، نئی بحری گزرگاہیں امریکا کی جانب سے دیگر شرائط پوری کرنے اور آبنائے ہرمز دوبارہ کھلنے پر استعمال کی جائیں گی۔
