اسلام آباد ( پاک ترک نیوز) وزیرِ اعظم شہباز شریف نے بلوچستان میں فتنہ الخوارج و فتنہ الہندوستان کے دہشتگردوں کے خلاف کامیاب آپریشن پر سیکیورٹی فورسز کے افسران و اہلکاروں کی پزیرائی کی ہے ۔ ضلع سوراب اور ضلع مستونگ میں دس دھشتگردوں کو جہنم واصل کرنے اور دو خودکش بمبار خواتین سمیت انکے سہولت کار کو گرفتار کرنے پرفورسز اور اہلکاروں کی تعریف کی ہے۔
وزیراعظم شہبازشریف نے کہا کسی کو بھی بلوچستان کا امن تباہ کرنے کی اجازت نہیں دیں گے.دہشتگردی کی عفریت کے ملک سے مکمل خاتمے تک اس کے خلاف جنگ جاری رکھیں گے۔
یہ بھی پڑھیں: حکومت کی کفایت شعاری پالیسی برقرار
وزیراعظم شہبازشریف نے کہا دہشتگرد بلوچستان اور اسکے عوام کی ترقی و خوشحالی کے دشمن ہیں۔مجھ سمیت پوری قوم افواج پاکستان کے وطن عزیز کی حفاظت کے غیر متزلزل عزم میں انکے شانہ بشانہ کھڑی ہے۔
