واشنگٹن ( پاک ترک نیوز) امریکی صدر ڈونلڈ ٹرمپ نے کہا ہے کہ امریکا ضرورت پڑنے پر ایران کے خلاف کسی بھی وقت دوبارہ فوجی کارروائی کرنے کے لیے تیار ہے۔وائٹ ہاؤس میں میڈیا سے گفتگو کرتے ہوئے ڈونلڈ ٹرمپ کا کہنا تھا کہ ایران کے خلاف امریکا کی نئی فوجی کارروائی طویل نہیں ہوگی۔ ایران ایسے میزائل کی تیاری کی کوشش کر رہا تھا جو بارودی سرنگیں گرانے کی صلاحیت رکھتا ہو۔
یہ بھی پڑھیں: امریکا کا وینزویلا کے 65ارب ڈالر کے تیل پر کنٹرول،100سالہ رعایت کا معاہدہ
امریکی صدر نے کہا کہ امریکا ایران کی ہر سرگرمی پر گہری نظر رکھے ہوئے ہے اور ایرانی حکومت کی جانب سے کسی بھی خطرے کو نظرانداز نہیں کیا جائے گا۔ڈونلڈ ٹرمپ نے مزید دعویٰ کیا کہ ایرانی عوام جلد اپنی حکومت کے خلاف اٹھ کھڑے ہوں گے۔ ان کا کہنا تھا کہ امریکا ایران سے متعلق صورتحال پر مسلسل نظر رکھے ہوئے ہے اور ضرورت پڑنے پر فوری کارروائی کی جائے گی۔
