انقرہ ( پاک ترک نیوز) ترکش ٹیکنالوجی کمپنی پاسفک ٹیکنالوجی کا پہلا دفاعی معاہدہ ، ہزاروں ایف پی وی کامی کازے ڈرون بیچنے کیلئے دوسرے ملک کے ساتھ معاہدہ کر لیا ۔
کمپنی نے ریگولیٹری فائلنگ میں بتایا کہ اس نے ایک “دوست اور اتحادی ملک کے دفاعی و ٹیکنالوجی ادارے کے ساتھ معاہدہ کیا ہے۔
اس معاہدے کے تحت پاسفک ٹیکنالوجی 100,000 FPV کامیکازے ڈرون سسٹمز “Merküt” کے نام سے برآمد کرے گی۔اس کے علاوہ دس الپن بغیر پائلٹ ہیلی کاپٹرز ،25 دمرول منی بغیر پائلٹ ہیلی کاپٹرز ۔500 دیلی ٹیکٹیکل کامیکازے سسٹمز ،500 کورگن خودکار زمینی معاونت اور نگرانی یونٹس بھی فروخت کیے جائیں گے۔
کمپنی نے کہا ہے کہ یہ معاہدہ دفاعی صنعت میں اس کی پہلی برآمد ہے۔معاہدے کے اعلان کے بعد پاسفک ٹیکنالوجی کے شیئرز میں 9.96 فیصد اضافہ ہو گیا
بروکریج فرم “گلوبل مینکول دیغرلر” کے مطابق یہ معاہدہ مثبت سمجھا جا رہا ہے کیونکہ یہ کمپنی کی پہلی دفاعی برآمد ہے اور عالمی مارکیٹ میں اس کی پوزیشن مضبوط کر سکتا ہے۔
تاہم معاہدے کی مالی تفصیلات اور خریدار ملک کی شناخت ظاہر نہیں کی گئی۔
ماہرین کے مطابق یہ معاہدہ ترکیہ کی دفاعی ٹیکنالوجی صنعت کے بڑھتے ہوئے اثر و رسوخ کی علامت ہے۔ خاص طور پر FPV کامیکازے ڈرونز کی عالمی مانگ میں اضافہ اس شعبے کو مزید اہم بنا رہا ہے۔
