واشنگٹن ( پاک ترک نیوز) امریکی صدر ڈونلڈ ٹرمپ نے پاکستان، سعودی عرب اور ترکیہ کے درمیان مکہ معاہدے کا خیرمقدم کرتے ہوئے تینوں ممالک کی قیادت کو مبارکباد دی ہے۔
ٹروتھ سوشل پر جاری بیان میں ڈونلڈ ٹرمپ نے کہا کہ مکہ معاہدہ مشرق وسطیٰ میں اتحاد اور باہمی تعاون کی جانب ایک بڑا قدم ہے۔ معاہدے سے خطے کے دیگر ممالک کے درمیان بھی تعاون میں اضافہ ہوگا۔
ٹرمپ کے مطابق پاکستان، سعودی عرب اور ترکیہ اپنے دفاع کے لیے زیادہ مؤثر انداز میں ایک دوسرے کا ساتھ دے سکیں گے۔ انہوں نے مکہ معاہدے کو ’’بہت بڑا، جرات مندانہ اور اہم پہلا قدم‘‘ قرار دیا۔
امریکی صدر ڈونلڈ ٹرمپ نے جنوبی کوریا کے ساتھ مشترکہ فوجی مشقیں کم کرنے کا اعلان کردیا۔
ٹرمپ نے سیکریٹری جنگ کو جنوبی کوریا کے ساتھ مشترکہ فوجی مشقیں کم کرنے کی ہدایت کرتے ہوئے کہا کہ ان مشقوں میں شرکت کا فیصلہ درست نہیں تھا۔
امریکی صدر نے دعویٰ کیا کہ جنوبی کوریا نے ایران کی جوہری صلاحیت ختم کرنے کی کوشش میں شامل ہونے سے انکار کیا۔
یہ بھی پڑھیں: وزیراعظم شہباز شریف کا مکہ دفاعی معاہدے کی حمایت پر ٹرمپ سے اظہارِ تشکر
ٹرمپ نے کہا کہ شمالی کوریا کے رہنما کم جونگ اُن کے ساتھ ان کے اچھے تعلقات ہیں۔ ان کے مطابق جنوبی کوریا کے ساتھ مشترکہ فوجی مشقیں شمالی کوریا کو نامناسب اور جارحانہ پیغام دیتی ہیں۔
امریکی صدر نے مزید کہا کہ ٹرمپ دور میں شمالی کوریا کا رویہ غیر دھمکی آمیز اور احترام پر مبنی رہا ہے
