چھوٹے شاہین بڑا سرپرائز دینے کیلئے پرعزم ، پاک بھارت بڑا ٹاکرا کل

لاہور (پاک ترک نیوز) چھوٹے شاہین بڑا سرپرائز دینے کیلئے تیار ہیں ، انڈر 19سپر سکس کے اہم میں پاکستانی ٹیم بلند حوصلے کے ساتھ کل بھارت کے مد مقابل آئے گی۔
بلاوائیو میں روایتی حریف پاکستان اور بھارت کی انڈر 19ورلڈ کپ سپر سکس مقابلے میں کل ٹکرائیں گی ۔ شائقین کرکٹ کو اس دلچسپ میچ کا بے صبری سے انتظار ہے ۔
پاکستان نے سپر سکس میں نیوزی لینڈ کو شکست دی ہے جبکہ بھارت نے زمبابوے کو ہرایا ہے ۔پاکستان انڈر 19ٹیم کی قیادت فرحان یوسف کر رہے ہیں جبکہ بھارتی ٹیم کے کپتان ایوش مہاترے ہیں۔
دونوں انڈر 19ٹیمیں 21دسمبر 2025کو ایشیا کپ کے فائنل میں ٹکرائی تھیں جہاں شاہینوں نے بھارتی سورمائوں کو دھول چٹائی تھی ۔واضح رہے کہ انڈر 19ورلڈ کپ کا فائنل 6فروری کو ہرارے میں کھیلا جائے گا ۔
انڈر19ورلڈ کپ ٹرافی سب سے زیادہ بھارت 5مرتبہ جیت چکا ہے جبکہ آسٹریلیا نے چار بار یہ ٹائٹل اپنے نام کیا ہے ۔ پاکستان دو مرتبہ انڈر 19کا چیمئپن رہا ہے ۔
بنگلہ دیش ،سائوتھ افریقہ ،ویسٹ انڈیز اور انگلینڈ ایک ایک بار ٹائٹل جیت چکے ہیں ۔ آسٹریلیا دفاعی چیمئپن ہے اور اس بار بھی ناک آئوٹ مرحلے کیلئے کوالیفائی کر چکی ہے۔
انڈر 19ورلڈ کپ میں زیادہ رنز کی بات کی جائے تو آسٹریلیا ایان مورگن 606رنز کے ساتھ سر فہرست ہیں جبکہ سائوتھ افریقہ کے موپاکھا اور زمبابوے کے مدھویرے 28،28وکٹوں کے ساتھ سرفہرست ہیں۔