اسلام آباد ( پاک ترک نیوز) فتنہ الخوارج کا ایک اور گھناؤنا منصوبہ بے نقاب ہو گیا۔
دہشت گرد انسانی رشتوں کو ڈھال بنانے لگے،دہشت گرد کی گرفتار بیوی کے سنسنی خیز انکشافات سامنے آ گئے ،رحیمہ بی بی کا کہنا ہے میرا شوہر منظور احمد خودکش بمبار خاتون کو گھر لایا ، شوہر میرے موبائل فون کے ذریعے خودکش بمبار خاتون سے رابطہ کرتا تھانوکنڈی حملے سے پہلے نومبر میں منظور احمد خودکش بمبار کو افغانستان لے گیا۔
چند روز بعد ایف سی ہیڈ کوارٹر نوکنڈی پر خودکش حملے کی خبر سامنے آئی ، خودکش بمبار وہی خاتون نکلی جس نے افغانستان جانے سے پہلے ہمارے گھر قیام کیا ،افغانستان روانہ ہونے سے پہلے میں اور میرا بھائی زبیر گرفتار ہو گئےخودکش حملے کے بعد منظور احمد افغانستان فرار ہو گیا ۔میری گرفتاری کا سن کر شوہر منظور احمد نے مجھے اکیلا چھوڑ دیا۔
ترجمان وزارت داخلہ بلوچستان بابر یوسفزئی نے ایڈیشنل چیف سیکریٹری حمزہ شفقات ،ڈی آئی جی سی ٹی ڈی کے ہمراہ نیوز کانفرنس میں کہا افغانستان سے پاکستان میں دہشت گردی ہو رہی ہے ،دہشت بلوچستان میں کاروائیاں کر کے افغانستان بھاگ جاتے ہیں دہشت گردوں کا کوئی مذہب نہیں ہوتا،خواتین کو ہتھیار کی طرح استعمال کیا جا رہا ہے ،۔خودکش حملہ آور خاتون کو اس کا شوہر افغانستان لے گیا ، شوہر نے بیوی کو استعمال کیا پھر لاتعلق ہو گیا ۔ دہشت گرد معصوم بچیوں کو دہشت گردی میں استعمال کرتے ہیں ۔ بلوچ روایات کو مسخ کیا جا رہا ہے۔ دشمن کی ہر سازش کو ناکام بنانا ہے۔
فتنہ الخوارج کا گھناؤنا منصوبہ ،دہشت گرد انسانی رشتوں کو ڈھال بنانے لگے
