جنوبی افریقی کرکٹ ٹیم کے کھلاڑیوں کا پہلا گروپ پاکستان پہنچ گیا

لاہور( پاک ترک نیوز) جنوبی افریقہ کی ٹیسٹ کرکٹ ٹیم کے کھلاڑیوں کا پہلا گروپ لاہور پہنچ گیا۔
تفصیلات کےمطابق سائوتھ افریقہ ٹیسٹ ٹیم کا پہلا گروپ رات گئے لاہور پہنچا، دوسرا گروپ بھی آج لاہور پہنچے گا۔
علامہ اقبال انٹرنیشنل ائیرپورٹ پہنچنے پر اسکواڈ کو سخت سکیورٹی میں ہوٹل پہنچایا گیا۔ پہلے گروپ میں کپتان ایڈن مارکرم، کاگیسو رباڈا، مارکس جینسن سمیت دیگر کھلاڑی شامل ہیں۔
واضح رہے کہ پاکستان اور ساؤتھ افریقہ کے درمیان دو ٹیسٹ میچز کی سیریز شیڈول ہے، پاکستان اور ساؤتھ افریقہ کے درمیان پہلا ٹیسٹ 12 اکتوبر سے قذافی اسٹیڈیم لاہور میں کھیلا جائے گا۔دوسرا ٹیسٹ میچ راولپنڈی کرکٹ اسٹیڈیم میں 20 اکتوبر سے 24 اکتوبر تک کھیلا جائے گا۔
یاد رہے کہ جنوبی افریقہ کے خلاف ٹیسٹ سیریز کے لئے پاکستانی اسکواڈ کو 18 سے 16 کر دیا گیا ہے، عامر جمال اور فیصل اکرم کو اسکواڈ سے ریلیز کر دیا گیا ہے۔