دشمن میدانِ جنگ میں ایران سے شکست کھا چکا ہے،ایرانی سپریم لیڈر

تہران ( پاک ترک نیوز) ایرانی سپریم لیڈر مجتبیٰ خامنہ ای کا کہناہے دشمن میدانِ جنگ میں ایران سے شکست کھا چکا ہے، دشمن اب عوام کو نقصان پہنچانے اور اندرونی تقسیم پیدا کرنے کی کوشش کر رہا ہے۔
تحریری بیان میں ایرانی سپریم لیڈر نے لکھا عوام میں مایوسی اور ناامیدی پیدا کرنے والا ہر عمل دشمن کی مدد کے مترادف ہے، طاقتور ممالک ایران کو آگے بڑھنے سے نہیں روک سکتے۔
ہم سی آئی اے کی سازشوں کو ناکام بنانے میں کامیاب رہے ہیں، دشمن ناکامی کے بعد ہائبرڈ جنگ پر توجہ دے رہا ہے۔ اسرائیل کے حوالے سے ایران کے موقف میں کوئی تبدیلی نہیں آئے گی، امریکا نے ایک فوجی اڈہ بنایا ہے جس کا نام اسرائیل ہے۔