ون کاسنٹیٹیو شنل ایونیو کو لیز پر لینے والی کمپنی نے قوانین توڑے،طلال چودھری

اسلام آباد ( پاک ترک نیوز) وزیر مملکت طلال چودھری کا کہناہے اسلام آباد میں ون کاسنٹیٹیو شنل ایونیو کو لیز پر لینے والی کمپنی نے قوانین توڑے۔
تین کمپنیوں نے ون کاسنٹیٹیو شنل ایونیو کی جگہ ہوٹل بنانے کیلئے لیز پر لی۔ عمارت کے اندر ڈھائی سو رہائشی اپارٹمنٹس بنا دیئے گئے پلاٹ کی نیلامی دو ہزار پانچ میں ہوئی ،پلاٹ کی بنیاد پر بینک سے قرض لیا گیا۔
بینک کی اقساط نہ لینے پر گروپ دیوالیہ ہو گیا۔ بینک نے کیس نیب کو بھیج دیا ،بی این پی کمپنی نے کہا ہمارے پاس پیسے نہیں ۔ اسلام آباد ہائیکورٹ نے لیز منسوخی کے خلاف درخواستیں خارج کیں ۔ بیس سال سے ریاست اپنی رٹ قائم نہیں کر پائی ،حکومت تجاوزات کے خاتمے کے لیے اقدامات کر رہی ہے۔ امیر ہو یا غریب ،قانون سب کے لیے برابر ہے۔