Taliban completes 5 years in power, situation in Afghanistan worst yet
واشنگٹن (پاک ترک نیوز )افغانستان میں انسانی حقوق اور انسانی بحران بدترین صورت اختیار کر گیا ہے۔
امریکی میڈیا کی رپورٹ کے مطابق کابل سے امریکا کے افراتفری میں انخلاء اور طالبان کی دوبارہ اقتدار میں واپسی کے 5 سال بعد افغانستان دنیا کے بدترین انسانی حقوق اور انسانی بحرانوں کا مرکز بن چکا ہے۔
افغانستان کے لیے مجموعی انسانی امداد میں 2022ء کے بعد سے تقریباً 70 فیصد کمی آ چکی ہے۔
طالبان خواتین اور لڑکیوں کے حقوق پر مسلسل حملے کر رہے ہیں، قانونی تحفظات ختم کیے جا رہے ہیں اور انہیں منظم انداز میں خودمختاری سے محروم کیا جا رہا ہے۔
رپورٹ کے مطابق افغانستان اب دنیا کا واحد ملک ہے جہاں لڑکیوں کو چھٹی جماعت کے بعد تعلیم حاصل کرنے سے روک دیا گیا ہے۔
یونیسکو کے مطابق اس وقت تقریباً 24 لاکھ لڑکیاں اسکول سے باہر ہیں۔
خواتین کو زیادہ تر ملازمتوں سے بھی روک دیا گیا ہے، خواتین کے حوالے سے کام کرنے والے اقوامِ متحدہ کے ادارے (UN Women) کے مطابق 10 میں سے 7 خواتین اپنی ذہنی صحت کو ’خراب‘ یا ’بہت خراب‘ قرار دیتی ہیں۔
