کابل (پاک ترک نیوز)افغان طالبان اہلکاروں کی جانب سے چینی سرحد پر دراندازی کی کوشش پر چین نے شدید ردِعمل دیتے ہوئے سخت تنبیہ جاری کی ہے۔
افغان جریدے ’افغانستان انٹرنیشنل‘ کی رپورٹ کے مطابق، وخان راہداری سے طالبان اہلکاروں کی دراندازی پر چینی سرحدی حکام نے سخت مؤقف اختیار کرتے ہوئے طالبان کو فوری طور پر علاقہ چھوڑنے کی وارننگ جاری کی ہے۔
اس واقعے کے بعد چین نے افغان سرحد پر اپنی سیکیورٹی میں بے پناہ اضافہ کر دیا ہے۔ سرحدی علاقے پر جدید خاردار باڑیں لگا دی گئی ہیں جبکہ نگرانی کے لیے اعلیٰ معیار کے کیمرے اور سینسرز نصب کر دیے گئے ہیں۔
یہ بھی پڑھیں: سندھ میں اقربا پروری اور وڈیرہ شاہی کا راج ہے ،وسیم اختر
دہشت گردوں کی ممکنہ دراندازی اور سیکورٹی خدشات کے پیش نظر چین نے افغانستان کے ساتھ واخان کا سرحدی راستہ تاحال بند کر رکھا ہے۔
